*** تعالى ننسى إللى فات *****
تعالى ننسى كل إللى فات
ونبندى عمرنا من تانى
ونرمى كل الذكريات
منضيعشى حتى ولوثوانى
**** نعالى ننسى إللى فات ****
عيونى تسرح فى عيونك
وإيدى تحضناها إيدك
وم الخد أقطف تفاح خدودك
ونبضى يتحس ف وريدك
***** تعالى ننسى إللى فات ****
نهرب من الدنيا وظنونها
ونعيش فى دنيتنا الجديده
ونبعد عن الناس وعيونها
وأحس إتك معايا سعيده
**** تعالى ننسى إللى فات ****
أسرق من السما نجومها
وأغزلك بإيدى عقد نور
وأخطف كمان ليكى غيومها
وندوب أنا وإنتى ف بحور
***** تعالى ننسى إللى فات ****
وأحضنك حبيبتى وتحضنينى
ونسمع حبيبتى همس القلوب
وأشيلك جوه نن عينى
وأقول لشمسك بلاش غروب
***** تعالى ننسى إللى فات *****
بصى فى عيونى حبيبتى
وهاتى شعرك فوق كتافى
إنتى دوايا وإنتى طبيبتى
عسل شفايفك بلسم وشافى
***** تعالى ننسى إللى فات ******
=====================
الشاعر عيسى عبد الرؤوف