لسه فاكره من سنين
لا حبيبتى أنا قلبى شاب
قلبى مات ومافيش حنين
والأمل عن قلبى غاب
لكن مش هى دى النهايه
ويمكن تكون هى البدايه
قلبى صحيح ماهوش بإيدى
وهى دى كل الحكايه
الحكايه إنى بعيش
لحظة عذاب بعد إنكسار
لكن بعيش وميهمنيش
وكل ليل اخره نهار
رجعى تانى ذكرياتك
فيها صحيح وقت إنتظار
فيها سطور تاريخ حياتك
بين السطور فيها الدمار
أيام ماكان بنا حكايات
والحب كان لينا دليل
خلاص حبيبتى أنا قلبى مات
من بعد صبره ليل طويل
دى نهايه المسرحيه
فيها خلاص نزل الستار
والبطل كان الضحيه
مع إنه كان قلبه عمار
======================
الشاعر عيسى عبدالرؤوف عبدالحميد
أعجبني
