قلب متعب ..
شعر عامية ...
لسه ما توبتش ؟ ولا ما فوقتش ؟!
عمال تدور .. شغال تفتش ...
وف الآخر ..
تطلع الحكاية فركش ..
أنت ماشوفتش ؟ ماتعلمتش ..؟!
كل الوجع ده .. ولسه ماوقعتش ..؟!
طب قولي حكاية عشتها ..
وماتقرصتش ..؟
دلني على سكة يوم مشيتها
وف الآخر ماتوهتش ؟؟؟
ده أنت كل حتة فيك بجرح ..
وكل ضلع فيك .. مدشدش ..
على ضهرك علامات ياما ..
من كترها .. ماتتعدش
كل ده عشان تلاقيها ؟!
كل ده بتدور عليها ..؟!
إنت إيه يا أخي. ..
مازهقتش ..؟؟!!!
كل واحدة تقولي هي ..
وف الآخر تاخد اللي هي
وساعات تاخدها
جارحة وش ...
واللي عشت معاها حكاية ..
خدت بأيدك لأسوء نهاية ..
بعد ما طلع كله غش ..
أوعى تقولي توبت. ..
الكلام ده تقوله ف المشمش
عارف ..
أنت كرهتني فيك ..
قلب متعب ..
نفسي أخلص منك وارميك. .
يمكن أعرف
أعيش فريش ..
وياريت تسكت ..
ماتتكلمش ..
بقلمي/عادل محمود