* إهداء للأخت الكريمه : رحمه عواد *

♥ سعيد عبد القادر السيد ♥
♥ عاميه ♥
♥ يوم حداد ♥

يوم حداد مش كفايه
ليكي يا أمي يا هنايا
حبك عايش أه جوايا
لحد موتي يموت معايا
يوم حداد مش كفايه
يوم حداد ليكي يا أمي
يا اللي حبك يجري في دمي
أنتي حياتي و كل عمري
ربنا يرحمك يا حبي
يوم حداد مش كفايه
أمي الحبيبه بحبها
شاكره و حمده ربها
هى حياتي كلها
راحت خلاص لربها
أمي الحبيبه بحبها
يا رب خدها برحمتك
و عفوك يسبق شدتك
أسكنها فسيح جنتك
كلنا تحت رحمتك
أمي الحبيبه بحبها
هى حياتي و دنيتي
ما تغلى عاللي خالقها
صبرني يا رب في بلوتي
خصوصآ أنت اللي كاتبها
أمي الحبيبه بحبها
بالجنه بدعي آه لها
ربنا عالم فعلها
بكل خير في قلبها
برحمتك مش بأعمالها
أمي الحبيبه بحبها

♥♥♥ بقلبي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد

التعليقات