جوا منك خوف و وحده
وواحده سابت ناس ابوها
جوا منك زيطه ربكه
وبلد ناسها سبوها
جوا منك الف تار
جوا منك ضوء وشمس
اقوى من شمس النهار
جوا منك حق ضايع من سنين
خايف تسئل عليه تبقى من المسجونين
والمساجين ورا القضبان
الندم باين عليهم
عليهم هم الزمان
والنوم حالف ما يجيهم
وانت بره ف سجن
الخوف والتطنيش
خايف تتكلم
يمنعوا عنك العيش
ففى الصبح بتصحى
و فى الليل بتنام
جوا منك فكره واضحه
انك عايش والسلام
#جوا_منك
#طارق_احمد_موسى