من غير عنوان
*******************
اصل الضمير واخد اجازه
وقالوا احنا ياناس صيام
ولما تنده بصراخ عليهم
غموا عنيهم وعاملين نيام
لسه بدرى على ما يفوقوا
لسه يجى الف عام
وان قلت نحارب الفساد
ونصحى من ليل الظلام
يقولك احنا جاهزين وعارفين
اوعى تخاف كله تمام
بينا يا الله نبدأ بس قولى
امتى والساعه كام
قلت على راى المثل
كله يا صاحبى كلام
وزى ما قالو زمان
حكم وساكنه الودان
مركب الضراير صارت
والسلايف مركبهااحتارت
والحلوه من كتر خطابها بارت
وفدادين قمح بارت
والشمس م السما غارت
والشعر قبل الاوان شاب
والفرح م الدنيا غاب
والخسيس ع الاصيل عاب
واتغمينا بقماشه ملاها السواد
وركبا قطر التوه لاجل ما نبقى بعاد
والطفل من صغره رضعوا
ينسوا امه وينسى ابوه
اللى فى الدنيا جابوه
ووقت الشده ينسى اخوه
والشباب يعيش محتار
ويه الموضه ليل نهار
ويعرضوا ع الشاشات
والصالات والبوتيكات
حاجات تتوه عقل البنات
المحزق والملزق
والمقطع والمرقع
والمسلسلات والافلام
مش محتاجه كلام
البلطجه والدعاره
وفن كله اثاره
اما لو جيت ع الاغانى
دى حاجه شكل تانى
طب اذاى ها نبنى جيل
يقدر يحقق مستحيل
**************************
على حافظ
أعجبنيتعليق
التعليقات
اكتب تعليقًا...
