شلبية
شلبية أنا شلبية
شلبية أنا بنت الريف
بين شمس وخضرة ومية
والقمح إللي بقى رغيف
بعيش أيامي هنية
إن كان في الشتا أو صيف
شلبية أنا شلبية
شلبية أنا بنت الريف
أنا بصحى من الصبحية
وبنام الليل تخاطيف
أمسك فاسي أنا بأديا
ولا فارس ماسك سيف
ياللي إنت سألت عليا
أنا مش محتاجة تعريف
شلبية أنا شلبية
شلبية أنا بنت الريف
بالطرحة وبالجلابية
أروي الأرض بحنية
الأرض تقول للمية
يامحلى زيارة الضيف
أهل البندر حاسديني
اكمنى هوانا نضيف
شلبية أنا شلبية
شلبية أنا بنت الريف
إن غنيت تحت التوتة
أنا غنواية زغنطوطة
القى النرجس قاللي
يابنت إنتي يابنوتة
ياللي إنتي بدم خفيف
من تاني غني ياقطقوطة
ياربيع من بعد خريف
غنيت أنا أنا شلبية
مصرية وبنت الريف
حنة أرضنا في اديا
وف عيني خضار الريف
شلبية أنا شلبية
مصرية وبنت الريف
بقلم طارق السيد