إيه يعنى قيمه مضافه
تعظيم وأحلى سلام
بالغصب أوبلطافه
شد اللحاف ونام
وإحلم بموته ظريفه
وجهز كفن دمور
عيشتك ياعم مخيفه
منتا عايش طرطور
بتفيد بإيه البلد
وإنت ياعينى فقير
وخلفت ليه الولد
الوضع أصله خطير
إنت ياعم غريب
ومصر ليها أصحاب
أمرك ياعم عجيب
ممضوغ وتحت الناب
إنت طلبت خيار
والفايده ف الكوسه
والعيشه صبحت نار
محتاس بميت حوسه
لوعايش تشرب شاى
وعلى سعره مش قادر
وسع لفقر وجاى
هتبيعه ف الشادر
==================
الشاعر عيسى عبدالرؤوف
