عندما تسرق الاحلام
*****************
لا بايدينا ولا بايديك
تموت الفرحه جوانا
تموت البسمه بشفانا
ويموت الحب بقلوبنا
وتموت معاه احلامنا
نتحسر علي سنينا
ونندم ع اللي كان بينا
وننعي الحظ بقدرنا
لا بايدينا ولا بايديك
نزرع الايام احلام
ونسقيها بدمانا
ولما تدب فيها الروح
بسرقوا منا شقانا
نكد ونتعب كمان وكمان
ونحاول نجدد الاحلام
نفشل قد ماحاولنا
ويروح لناس غيرنا
تحصد كل ما عملنا
ويضيع شقانا وامالنا
ينداس علي احلامنا
تحرق الايام شبابنا
والطيبه تكون عيبنا
بزيد النبض في قلوبنا
نصرخ يارب ماتاخدنا
من الدنيا اللي بتلومنا
علي الخير اللي في قلوبنا
لا بابدينا ولا بايديه
تموت النبته وهي خضرا
وماينزل الغيث علي الصحرا
مانلاقي ولا شجره تاوينا
ولا ثمره تقوينا
ونموت كما الاحلام
جسد ماينبض ولا بينام
من الفكر اللي واخدنا
في دنيا خدت ومااديتنا
وقد ماادناها ظلمتنا
كنا فيها مضللين
عشت العمر تايه حزين
ولا ايد فيه ساعدتنا
ولا في يوم نورتنا
لا بايدينا ولا بايديك
تموت الفرحه جوانا
تموت البسمه بشفانا
يموت الحب بقلوبنا
وتموت معاه احلامنا
لا بايدينا ولا بايديك

صفاء عبد ربه

  • Currently 0/5 Stars.
  • 1 2 3 4 5
0 تصويتات / 86 مشاهدة
نشرت فى 20 سبتمبر 2016 بواسطة azzah1234

عدد زيارات الموقع

140,187