أسبابى كتييير
**********
إحساسى بإلامان
وياك ماهوش كفاية ؟
يملانى بالاًمتنان
وبحب مالوش نهايه
ودا مش سببى الوحيد
أسبابى كتيـــــــر أكيد
وجمال الروح بدايه
وأنا ياما قلتها
وف قلبى حفرتها
اللحظه معاك حبيبى
بحياتى كلها
************
ياحبيبى أنا طول حياتى
حوالين حبك بطوف
وإن قلت أوصف غرامى
هاجمع كل الحروف
دا محيط مالهوش رواسى
دنيا بأعيشها بحواسى
وماغيرهاش ظروف
والشوق أكبر دليل
ملازمنى نهار وليل
وإن كنت عوزنى أقول
شرح الاحاسيس يطول
وأنا ياما قلتها
وف قلبى حفظتها
اللحظه معاك حبيبى
بحياتى كلها
**************
ياحبيبى إحنا إللى بينا
وصفوه للعاشقين
بلسم شافى ودوا
كانوا ياما بيحكوا عنا
وإزاى رغم السنين
حاضنين الشوق سوا
وإن عكر صفونا
بقساوته البعد يوم
بتسامح قلبنا
تبعد عنا الغيوم
ويروق حال الهوى
وإن كنت عاوزنى
أقولها للدنيا كلها
أنا ياما قلتها
وف قلبى حفرتها
اللحظه معاك حبيبى
بحياتى كلها
****************
محمد عبد المنصف