قصيدة نفسى
اشوف ضحكتك ق عيون الشباب
تفتحى لهم كل باب
ولادك مخنوقين يابهية
عايشين ف حالة اكتئاب
نفسى ابنك إللى سكن قصرك
يحس بطلم الفقير
ولاه الكرسى بينسى
فين صوتك ياكبير
نفسى فيكى العدل يسود
وترحل الديابة والاسود
تمسحى دموع الفقير
إللى شايل همك م جدود
نفسى قبل مارحل
اشوف الوحل غار
شمسك تهز البلاد
بولادك الاحرار
وتعيش حرة أبية
ولا نعيش ف عار
ويامه دقت طبول ياعفية
وكنت صاحبة قرار
نفسى تعدى وتفردى قلوعك
تخدى ولادك بين ضلوعك
تحاجى عليهم بجنحاتك
وتطرح كل فروعك
بيقولولى كلامك بيدبح
حزين دايما م تفرح
حبيبتى نفسها تلبس فستان و طرحة
قتلين ف عنبها الفرحة
بقلم محمد مصطفى الفلو من الدقهلية