ة ‏صورة‏ ‏الشاعر ياسرعيد‏ من قبل ‏ياسر عيد‏.

يا كلمه تايهه

ياكلمه تايهه
جوه قاموس الحيرانين
المشتاقين
غرقانه فـ بحر الهوا
مش عارفه شطك فين
لملمت حرفك
لما إنحرف
عن حضن ضلى
وفضلتى ليا تهمسى
وفيا بتضلى
دبلتى وردى بين إديكى
راح منه عطره
لما شاف
جرح الخيانه المستهين
مع دمعتين
من العينين
نازلين على خدك بلمعه مزيفه
لما إنتى ناويه تمثلى
دور الخيانه باحتراف
من غير معين
غير قلب كان كل همه
يسعد القلب الحزين
لكنه شاف فى كل مره
حاجه تأكد
من المأكد
إن اللى ليا
منك دا عمره ما كانش حب
كل شك جوه قلبى
أصبح واضحلى منك أوى
كل الورق كل السطور
اللى انكتب عليها حرف
من شوقى ليكى
بإديا لازم تنطوى
ياكلمه تايهه
جوه قاموس الحيرانين

ياكلمه تايهه
ياسرعيد