(وراضية أكيد)
كما إشراقة في صحرا
على عطشان يهز الريح
على جبينه يبان تفاريح
أنا قلبي يدور ساقية
يلف الكون واقول باقية
واقول موال على روحي
ما اكونش أميرة ولا نادية
سافرت كتير في أحوالك
ما جيتش يوم على بالك
فايتني وحيدة بسهادك
واقول بكرة يكون أحلى
ألاقي كتروا عزالك
أقول انسى يزيد فكري
أقول غادر ألاقي نفسي قدامك
بقدم روحي على كفي
أنا بضعف وجيالك
تعال خدني على سهوه
وعوضني في أيامك
كما الماضي يروح مني
كما حاضر في أوهامك
سافرت سنين على وهنك
وناوية أعيش في أحلامك
عشان تيجي تعيش وياي في منامي
حقيقة الكون مخاصماني
لكن وياي يوم قربك
ما عادش بعيد
يا أول حب في حياتي
ما لوش أول مالوش تاني ما لوش بديل
وعشت معاه سنين عمرى بنور قناديل
بتحييني تصحيني وكلمة حلوة بسمعها
أعيش بقليل
أعيش ذكرى تكون فكرة تكون حاضر مع الماضي
بنمليها على العاشقين
واكون القدوة في زماني رماني قلبي من تاني على البساتين
ورود تفرح ورود تجرح ورود قدامي تتفتح أخدها لمين
بحب الحب علشانه وعايشة يمامة قدامه وذنبي وحيد
أنا من شوقي غنيتله وغنوة قلبي وصلتله لكن غيري على باله
وراضية أكيد
الهام شرف

تعليق