----حاسس بدموع-----------------
حاسس بدموع المحتاج
قتاله فى لحظه الأحتياج
ساكنه فى كوكب بعيد
فرحانه بيوم العيد
وناس لابسه جديد فى جديد
وناس الهم ملاها وأنكسر الحلم السعيد
حاسس بدموع المحتاج
والدنيا هى الدنيا ليل ونهار وكل يوم بتعيد
أنا ببكى على طفل وليد مهزوم فى ليله العيد
بيبكى لكن مين يسمع التنهيد
ملكتنا الدنيا ورحلت بينا لبعيد
وخدانا لطريق مسدود
حاسس بدموع المحتاج
ليه أتغيرت قلوب الناس
وعايشين فى غابه والفقير ينداس
يعنى خلاص ضاع الود والأخلاص
حزين على قلوب رحل منها حب الناس
وأدعى ربى يفرجها على كل قلب حساس
حاسس بدموع المحتاج
الشاعر / على فياض البلصفورى
قطرات الندى