كنت بأتمشى بأمان
على شط ترعه صغيره
والشجر كاسى المكان
والنسمه حلوه معتره
والبيوت كانت هناك
شايفها من بر الغيطان
والغيطان سجاده خضراء
واتفرش بيها المكان
شفت وسط الخضرا ديا
اطفال بريئه بيلعبوا
قولت اروح اللعب معاهم
ومشيت كدا وسط الغيطان
فجئه قامت ريح قويه
دمرت كل المكان
والشجر طاير عليا
والعيال طايره كمان
والارض تحتى اترجرجت
ولقيتنى بهرب من المكان
بتجه بر البيوت
رايح ابحث عن امان
فجئه جانى شيخ وقور
أخدنى من بين الحطام
كان حنانه كبير عليا
وبدأت اشعر بالامان
خد بئيدى وعدا بيا
ناحية البر الامين
ولقيتنى ماشى جنب منه
قابض على ايده الشمال
والوقار بيهل منه والسكينه والجلال
كان بعينه يبص ليا نظره بس بدون كلام
بس كان جوايه هاتف كان يقولى ده الرسول
صلى ربى عليه وسلم كان معايا فى المنام
