عصفور الفجر يوم جالى
وانا وردة ف اغصانى
لقانى بموت من الغربه
وكل الدنيا نسيانى
سئلته وقلت ايه جابك؟
م بعد مافاتنى خلانك
قالى جيت عشان خاطرك
اساعدك لو بامكانى
فقلت لأ ياريت تبعد
لتغرق ف بحر احزانى
انا زمانى قسيت منه
وياما الغدر ورانى
وانت ضعيف وايه تعمل
ويمكن زيى بتعانى
قال ياما قابلت كتير
وياما شفت ف زمانى
ومهما قصقصوا ريشي
لازم أعود لطيرانى
بعيش الحب من قلبى
واديكى لسه شيفانى
فقلت ياريت تعلمنى
والاقى الحب من تانى
انا نفسي أعيش واحلم
وحسه الدنيا كرهانى
وبسهر ليلى ف الوحدة
لأن الشمس جرحانى
فعلمنى اكون زيك
ويبقى الفرح عنوانى
أنت تطير وبتغنى
وانا جدد ف الوانى
قالى الحزن لو جالك
خلى الفرح فيكى يدوم
ولو موج الفراق يعلا
خلى الحب بيكى يعوم
تلاقى الوقت كمان يحلا
وتمحى بالامانى هموم
وابقى افتكرى عصفورك
ف كل فجر بالحانى
ازاى انسى إلى فرحنى
م بعد ما همى بكانى
