الود قدم الجواب
قبل احتضار المسأله
كان باختصار.........
حل وعتاب.
قدم عريضه بالليالى المليانين
عشق و غرام
و رفض يطاوع الخصام
و يجر احبال الوجع والاغتراب
المدفنونين جوه الوريد
الهاربنين مع انكسارات الزمن
اللى انطوىت صفحاته
داخل كتاب.......
متجمعه فيه كل الحروف
اللى اتشكلت كلمات
بتدبح روحك التايهه
اللى رافضه تنجرح تانى
من اى حد يمسها
الود قدم الجواب
قبل انفلات العقد
وانفراط حباته ........
على ساحة المعركة
بقى سبحة .....
بتسبح عليها لطلوع الفجر الوليد
ينادى على النهار
يطرح شموس
تمحى معاها كل احساس بالهزيمة والانكسار
تشفى كل احساس بالمهانة والافتقار
الروح تصالح نفسها
تنسى كل لحظات الضياع
اللى اتسطرت جوه الكتاب
تمحى الحروف الدبلانين
تزرع حروف متشوقين
يتجمعوا كلمات تطيب الجراح
ود وحنين
الود قدم الجواب
قبل احتضار المسأله
اما الحنين لساه معاند حبتين
أصله نبيل.....
و النبل هو الجواب والمشكلة
هو الجواب والمشكلة