معنى الحدود
========================
وزرعت جوايا الشجن
وحاصرتنى بكلمة حدود
وقلت ده يبقى وطن
وعلى بعد البصر ممدود
إزرع نخلة وإستنى بلحها
الزرعة مالت وظلها موجود
خايف أربى إبنى زيها
يتوجع وقلبه يملاه الجحود
خايف أقتل شيطان فاسد
يطلع من سلالة النمرود
الخيانة طبعهم من زمن
والإحساس غطاه الجمود
وقلت أهاجر وأبتعد
لقيت كل شئ إليك مردود
الحكاية مش فى كلمة
وطن ده حب جوة القلوب مولود
مش عايز أموت يا وطن
وبينى وبينك بحار كتير وسدود
مش مهم حياتى وأمنياتى
وربى والملايكة عليك شهود
تحافظ على أهلى ودارى
ما أنت حافظت زمان على الجدود
حتى لو هنعيش فى غابة
خلصنا يا وطن من كل الأسود
ويعيش إبنى وبنتى فى سلام
ويبقى فيه معنى للوطن وللحدود
=======================
أيمن طه
أعجبني
