رباعيات الأحزان (( ألبوم صور ))
( للحزن في قلبي مكان )

ألبوم صور

وذكريات

أحلام قديمة

وماضي فات

لسه العيون

فكراني

لحظة ما أتولت

طفل صغير

ببكي وبضحك

وأنفطمت

وأهرب بخوفي

في حضن أمي

وأرمي حمولي

في حجرها

هي الوحيدة

شايله همي

وحاسه بيه

بقلبها

والكل كان ألبوم صور

وحكاوي فاتت ذكريات

وماضي فات

أحلام خدتني

في السنين

أشواق رامتني

للحنين

وعيون خانتني

في حبها

وليالي ضاعت

ودها

والكل كان ألبوم صور

وحكاوي فاتت ذكريات

وماضي فات

هنا كنت لسه

في مدرسة

وهنا كنت عايش

في الأسي

هنا كنت ويا

أصحاب خانوني

هنا كنت ويا

أحباب باعوني

هنا ضحكت

وأنبسط

هنا غلط

في الف خط

هنا الألم

هنا الجراح

هنا الي كان

هنا الي راح

والكل كان ألبوم صور

وحكاوي فاتت ذكريات

وماضي فات

كلمات الصدق
فارس الليل الحزين
محمد عطية محمد
31/8/2016