.......... الفاعل والمجرور ...........
‏....
كتير مثلت دور
العاشق
وقلبي ساعتها كان
مغرور
فى لحظه صابني
سهم هواك
وقالوا جه عليك
الدور
ياريت الليل يكون
أطول
عشان أفضل فى هواك
مسحور
أنا اللى قلبي كان
ضلمه
بلون الليل
بنظره من عنيك
إتملي بالنور
أناديلك يرد
عليه
صدي صوتك
أعديلك
جبال وبحور
واقول يمكن يرق
ف يوم علي
حالي
ولو سألوني عزالي
أقول مستور
وانا المكسور ف ليل
بعدك
وبتمني ف يوم
قربك
ولو بعدك قابلت
كتير
هايفضل قلبي بيك
شاعر
وانا اللى كنت زمان
فاعل
صبح حظي معاك
مجرور
‏................
على أحمد عبد الجليل