كورنيش النيل
سلامات سلامات أحلى السلامات
سلامات على كل المستويات
سلامات كده مني يامستمعين
الحرافيش ويا البهوات
هقولها أنا كده وبكل بساطة
ههقولها أنا على أجعصها بلاطة
هقول وأعيد والرزق على الله
بيني وبين الزيف حد الله
قولنا كتير عن نهر النيل
ماقولناش حاجة عن الكورنيش
لما يهل عليه الليل
فيه الهلس وأكل العيش
والحبيبة والهليبة
والفرافيش ويا التحابيش
والكتكوت إبن اللعيبة
والكتكوتة النافشة في ريش
والسمانة وناب الشيبةة
والعصافير ويا الخفافيش
فيه العيبة وفيه الخيبة
وفيه الخد أبو الخرابيش
فيه الوردة وفيه الفلة
وفيه الماشين فيه بشويش
وقرطاس ترمس جنبه القلة
وكوز درة مشوي و زر بطاطا
وتحت الكوبري و شم الكلة
مابين مناخير سفروت وئلاطة
مع سيجارتين فلتر كرتيلا
وترامادول مع عم شحاتة
وكمان فيه الداهية السودا
مراكب راكب فيها عناكب
ناس عصيانة وناس نمرودة
والرقاصة ويا الدفاف
والشيخة مزاهر وأبو نواف
والركلام ويا البودي جارد
حاجة مترين الطول x العرض
كل دا كله على الكورنيش
حكيتلكو عنه يادوب تناتيش
بقلم طارق السيد

تعليق