هى ثوره
ولاعوره
ولاترس
بيلف دوره
مصر غابه
لناس ديابه
وناس كتير
ممسوحه ببشاوره
من عهد كان
إسمه فاروق
والفقر دم
ماشى ف عروق
عهد بيسلم لعهد
حتى ف الموته فروق
ناس كفنها دمور ولحد
وناس قبورها قصر شوق
هما دول رأسماليه
هما دول أصحاب كروش
هما دول البلطجيه
والثوره طلعت ياناس فاشوش
يوم فرحنا وقولنا هانت
القمح جاى فيه إكتفاء
والقلوب علينا لانت
طلعت عقولنا فيها غباء
قالوا إحلم على قدك
مصر غابه وليها ناس
لو زعلت إديها خدك
للعصابه يبقه مداس
الميدان بقه للشحاته
الثوره خلاص ملهاش مكان
ولو زهقت إسرح بباته
يكفيك ياعم تبقه ف أمان
====================
الشاعر عيسى عبد الرؤوف
