والله بحب بلدى
طبعا الأغلبية فكرو انى اخوانى
والله ما برتاح لهم طول زمانى
الشباب انكسر الامل جواه
وما يحس بكلامى الا اللى من جيلى
او راجل تانى يكون على اد الحال
كل شقاه رايح ف تربيه العيال
ومن حراره الشمس رابط دماغه بشال
يعمل ايه م هى جايه عليه وتعبانى
كنت بشوف الفرحه ف عيون امى
دلوقتى بشوفها ف عيون زوجتى واولادى
يعملو ايه اهو بيبتسمو
عشان ارتاح انا ف نومتى
ويا ريتنى بنام
كل اللى بعمله ببعد عن حوار وكلام
وارجع اعيد اللى بيحصل لى كل يوم
والشمس تقولى وحشنى اقولها والله انتى اللى وحشانى
بقلمى/بقلمى/
الشاعر نبيل محمد أمين