لو كنت أعيد من الأول
كنت اختار طريق تانى
واستوعب الدرس واتحول
ولا اضيع من عمرى ثوانى
واخطف م الزمن ساعات
لو تزوغ فيها عينيه
ولما تقابلنى الآهات
ألف من الناحيه التانيه
واشترى بكل اللى معايه
ضحك يكون م القلب
واخللى منه ويايه
رصيد يساعدنى ع الغلب
واهرب من الأحزان
واستخبى لما تعدى
واجرى ولا الرهوان
لو عندى هتهدى
واصاحب فلان وفلان
وابعد عن الباقيين
واشوفلى حضن حنان
أفضللى م الملايين
واقضى النهار فرحان
أضحك وانا مبسوط
واكون أول إنسان
يعيش الحياه مظبوط
منير خاطر
