وأنا جى من المعادى

===========

رايح مصر الجديده

أنا شوفت ناس بتبكى وشوفت ناس سعيده

أنا شوفت ناس وهيصه وناس وقفين تبور

اللى بيشترى عيش واللى بيشترى فول

وفول بالزيت وحار والعيشه ياعم عال

ومدامت بالحلال تبقا الحياه سعيده

وأنا جى من المعادى رايح مصر الجديده

أنا شوفت شاب أعد عالقهوا معاه صديق

وشاف ست كبيره قام عدها الطريق

ده أبن مصر ديما معروف شهم وجريئ

وأنا جى من المعادى تعبان مرهق وعادى

علشان راجع بلادى وهيا مصر الجديده

أنا شوفت بنت ماشيا وعنيها ف التراب

وبنت تانيه ماشيا بيعكسوها الشباب

فى بنات ولاد أصول وزينه فى العقول

وبنات تايها فى طرقها بس سرقها الغرور

وأنا جى من المعادى رايح مصر الجديده

وشباب على الرصيف يشقا عشان الرغيف

ومعاه مؤهل وعالى بس نفسه يعيش شريف

=====================

بقلمى صبرى قنديل شاعر العرب شاعر