(فوجد جداراً)
....................................
ف وجدَ جداراً
يريدُ أن ينقض
الَبَنَّا كان أعمى
شافه الحجر ف انخض
رمى طوبات الأمل
على شطوط النهر
خايف يغرقنا
غرقنا بحر القهر
فَكَّر طوباته حاجز
وكَمَّل بُنَى ف البيت
صرخ الأمل ياجدار
بكره تكون فتافيت
وانا ما عنديش صبر
والخضر كان مثلي
واكمنه مش موسى
ياام العيون عسلي
اللي بنى قصرك
متدهول ف حيطه
خد أجره من قلبي
فِدْنُه وقراريطه
اللي زمان بدري
طرحت عيدانها دم
قبل اما بيكي ادري
قبل اما تُخلق لمْ
وتجزم الدنيا
وتجزم سجود إبليس
لَمَا هو ساق فيها
كنتي انتي ف التأسيس
لساكي ف الجنه
عشمانه ف زخارفها
لَمَّا نزل آدم
ابردتي ف خريفها
الدنيا كات واسعه
ياحته م الجنه
كانوا جِهْزُوا طوباتك
علشان يلاقوا بَنَّا
ف الصلب انا شاهد
شايف الامل غرقان
عجنوشي بيه الطوب
قبل الزمان ب ازمان
شايف الحياه ب تتهد
وجدار بغير هامه
يريدُ أن ينقض
إزاي ف أقامه ؟؟!!
#محمد
