حَقّك عَلِينَا

سامِحنَا يانُور عِينينَا
يابنى .... حقّك عَلِينَا
سِيبنَاك تكُون ضَحيّه
سِيبنَاك والعِيب مَلِينَا

دَمّك يصرُخ ألَم
واحنا صُوتنا انكَتَم
بِتنادى ضَمِيرنا فِينا
و ضَمِيرنا بَقَى عَدَم

سِيبنا لِلغَدر حَقّك
وسُوط الظُلمْ شَقّك
لَوْ فَكّرت تصرُخ
ضَعفِنَا يكْتِم بُقّك

جَرْحَك جَرَح الكَرَامه
دَمّك ينزِف شَهَامه
إصرُخ عَلِينا إحنَا
لابْسِين تُوب الندَامه

يلْهِينَا فَن وكُورَه
تَفَاهات بِينّا مَذكوره
وتموت فِينا الرجولُه
والبَاقِى يَدُوب ذُكُوره

صُورتك عِنوان لِينَا
لِ خُوف عايش فِينَا
يابنى ....حَقّك عَلِينا

بقلم / سيد عبدالوهاب

ربما تحتوي الصورة على: شخص واحد

 

  • Currently 0/5 Stars.
  • 1 2 3 4 5
0 تصويتات / 9 مشاهدة
نشرت فى 22 أغسطس 2016 بواسطة azzah1234

عدد زيارات الموقع

49,852