لو عايزين تبكوا ولادي
ابكوا العلم سكن الضلمه
وسط القبور
كل يوم يقولوا تعلا بلادي
وهم بيسقوا في أرض بور
أصل الحق مش عليهم
الحق على صناع الخمور
عقل صاحي والف نايم
تقول غنم وسط الشعير
بدون شعور
معلشي لو كلامي ح يجرحك
أصل الحقيقة بتبين مكانك ومترحك
ودول مش أي حد دول ولادي وولاد بلادي
دول زهر مستني الميعاد
دول حلم جيلنا اللي فات
بقى معقول نضيع عقولهم من سكات
ولا صرخة مكتومة في الصدر واهات
عيب علينا يكون أولادنا في أيدينا
مدفونين قدام عينينا
وحتى مش قادرين نشاور ونقول ده اللي فات
أو نصحح وضعهم يمكن يكونوا حاجة في الذكريات
زي جيل ما عدا وجيل فات
عماد جبر
