في ناس
ف ناس تكرهلك البسمه
وتزعل لما تبقي سعيد
وناس منها الدموع نازله
ولابتفرح ف يوم العيد
وناس عايشه حياتها بغش
وتتلون بمليون وش
ف ضهرك ماسكه لك خنجر
تشوف وشك تخاف وتكش
وناس عايشه علي الغيره
ضميرها ف سوق بتسعيره
تبيعه للي راح يدفع
ودي موجوده وكتيره
ومش فارقه معايا كتير
كلامهم في الهوا بيطير
باسامح وانسي واصالح
عشان جوايا قلب كبير
بقلم خالد الكردي

  • Currently 0/5 Stars.
  • 1 2 3 4 5
0 تصويتات / 14 مشاهدة
نشرت فى 20 أغسطس 2016 بواسطة azzah1234

عدد زيارات الموقع

53,216