ليه
***
ليه انا شارى وانتى بيعانى
دايما فاكرك وانت ناسيانى
اسقيكى شهدى و م المر سقيانى
امسح دموعك ومنك ب اعانى
فى اراضيكى زرعت الورد
غير الشوك ما جنت يدى
وف قلبى يزيد الود
واقول اصبر سحابه وتعدى
ليلك عليه طال
وبقيت فى البلاد رحال
بس اللى فى قلبى سؤال
ليه انا شارى وانت بيعانى
*****
سبتك ورحت بلاد
يمكن القى فيها قوتى
وقاسيت نار البعاد
لما م الاه راح صوتى
اتارى الاه فى القلب محبوسه
مهما على بيها صوتى
لا حد سمع بيها
ولا قادر على سكوتى
قولى انتى عليه باقيه
والا ناويه على موتى
***********
على حافظ
