صبرا ياأمي
مصر يامّا ليه تملي
فيكِ إللي واللي واللي
إللي ساكن فى القصور
واللي هادد فى الجسور
واللي حاور واللي ناور
واللي نط من المناور
واللي عاش زي العناكب
راكب فوق كل المناكب
واللي حب واللي سب
واللي شاب وهو شاب
واللي خد طمع ماودى
واللي إتخلى فى وقت شدة
واللي شرق واللي غرب
واللي أدمن لما جرب
واللي إتذل بعد عز
واللي قال فيكِ إنتِ طظ
واللي فى عينه بان شرار
لما داق طعم المرار
واللي دمعه بل خده
واللي إدان بدين ما ردّه
واللي يضرب شقلباظ
واللي بيته من إزاز
واللي معاه وقال معابش
واللي له وقال ماليش
ومن ولادك عاش ياأمي
يستحل فيكِ دمي
سمي يامّا بربي سمي
يزيح عنك همك وهمي
بقلم طارق السيد
