صباح الفل يابلدنا
يامصر يا ساكنه فى قلوبنا
يا أم ومستحمله غضبنا
يا مدينتى وقريتى ودارى
يا عارفه كل اسرارى
يا حنينه ومفيش منك
تئنى ما حد يقول عنك
وتتسامحى وتتصالحى
وتداوينى من جرحى
وتستحملى غضب إبنك
لو اتكلم بسوء عنك
بنزعل ساعات وبنمشى
وقلوبنا معاكى ما بتمشى
ومهما سافرنا أو روحنا
إنتى حياة قلبنا وروحنا
بنحبك بكل ما فيكى
والرب بفضله حاميكى
بترابك بعبلك
بشمسك وقمرك
بكل همومك ومشاكلك
بنحبك كدا على شكلك
أمنا حبيبتنا مهما تكونى
بتعرفينى من سمار لونى
مهما أعمل تسامحينى
وعلى صدرك تضمينى
بتسيبينى امشى وأتغرب
واشوف غيرك وأجرب
وتقوليلى راح ترجع
وتشتاق والعيون تدمع
ولما تجينى راح اضمك
واقولك تعالى أنا أمك
حضنى مفيش منه هناك
هوا شفاك وهوا دواك
خلاص بقى متزعلشى
لو بيدى مخليتك تمشى
منير خاطر