ضــــــــــد الـــــــــدم....بقلم محمد الجريسي
إيه يامصر
دول ولادك ..ولا يعنى ولاد سفاح ؟
ردى قولى
قومى جاوبى
سم فتنة ونام فى قلبى
هو ليلك ..دايما اسود
مش باين له جاى صباح
هو توبك
مش حيبقى توب يزينك
إلا لما تنقشيه بالدم الاحمر
طب لو احنا مش ولادك ؟
انت تبقى .أم ميـــــــن ؟
أم السيسى اللي حمانا فيكي.؟
أو بديـــع ؟
ولا ابراهيم ؟
واحنا فين ؟
واحنا مين ؟
دة الرصاص
عشش فى قلبى
ومين أحل القتل فينا
كل أرواحنا ودمانا ..واستباح
قومى جاوبى
هو دة كبيرك يا مصر ؟
دم لأة ...
مهما كان ...دة الدم غالى
دول... ودول
فيهم ابنى
أو أخويا ..وابن خالى
بزيادة دم
بزيادة هم
خلينا نبني ونعمر
ونوقف جنب اللي بيحبك
ونساعد اللي نصرك وشال عنك
خفوا شويه عن الغلابه
دول مهما كان غلابه
لاحول لهم ولا قوه
يالا نساعد فقيرنا
ونمسح دمعه حزينا
ونخفف الم مصابنا
ونصبر اهل شهيدا
وندعي من قلوبنا
ربنا ينصر مصر بلدنا
ويزيح عنا همومنا
يا مصر يا مصر يا مصر
قومى يلا ردى روحى
قولى ...بوحى
لو إنت ...أم