(( غلبان بحب ))

من غير ماعيّشك في وهم
واقولك عندي وماعنديش
من غير ما ابنيلك قصور في الهوي
انا في الدنيادي ماحلتيش
غير قلبي... اللي انا بيه عاشقك
وراس مالي... كله في الدنيا
ياحبيبتي راحتك
دانا غلبان بحب
من يوم ماقلبي دق
ليكٍ ياحبيبتي ورق..

غلبان مسكين وفقير
لكن اغني الناس
بحُبي ليكٍ..وبوفائي
اللي بمنتهي الاخلاص
قاعد في أوضه صغيره
لكن بالنسبالي قصر
بصورك اللي ماليه الحيطه
والله بمنتهي الفخر
دانا غلبان بحب...

جربي واديني قلبك
وجوا قلبي هاصونه
وآه يانا من حُبك
جوا عيوني هاشيله
فرحيني..
اسعديني..
وانا لقلبك
هاقول ياسيدي..
ضميني
جوا قلبك
خبيني
وقوليلي
تعالي يانور عيني..
نبتدي
ولا ننتهي
والله بالحب
غلبتني
دانا غلبان بحب...

ماهر البساطي..