*****الدعوه عامه*******
اوبريت خداع ونفاق وغش
الكل فيه بالف وش
اللى فاكر نفسه صادق
واللى جامد وهوه اش....
واللى حاوى وبتاع نمر
واللى فاكر نفسه قمر
واللى ماسك قلبه ديما
واللى بيشكى م القدر....
قرب تعالى واسمع وشوف
وان كنت صادق متهبشى خوف
اوبريت كبير مليان نمر.....
احجز مكانك وسط الزحام
واسمع وشوف وقدر كلام
مكتوب ع جدران الحياه
والحياه ملهاش امان....
شاعر وقاص ورواءى كبير
ملحن ومطرب وكورس كتير
اوركسترا بتعزف نغم اصيل
والعرض سارى
ولو كنت شارى
قرب تعالى.....
ببلاش وكله بقا ببلاش
واللى ببلاش بيروح بلاش
وكله ضوء زى الفلاش
الدعوه عامه والكل مدعوا
والنيه يعنى لو بس تدعوا
ديما معاكم بس انتوا تسعوا
قبل الستار مايتزال.....
مثل زمان بعتز بيه
اللى يبيعك ما تشتريه
واللى يسيبك ما تندم عليه
واللى يفكر يتعالى لحظه
بجزمتك دوس عليه
وائل الجزار
25/7/2016
1.32ص

تعليق