عارف أمتي كان الحب بينا
من أول تعارف بين السلام
كانت العيون بتغزل
شوق الحب وسط الكلام
كان القلب مفتوح
وأنت دخلت أوام
عارف ايه اللى بينا
ولا أنت ناسي الغرام
جيب الأيام تقولك
مين عاش معاك في انسجام
مين علمك النطق
وغير بالأشعار الألم
ومين ع الجرح طبطب
وخلاك تعيش بأمان
وسط قلبه حطك
عصفور تزين المكان
وطيب جناحك
بعد ما كان الكسر بان
عايز تطير بجناحك
قول لزمان مين اللي خان
عماد جبر
