قطر الزمن ماشى
ينزل ناس ويركب ناس
لا يوم كسل مجاشى
ولا قال تعبت خلاص
مواعيده بالثانية
وتظبط عليه ساعتك
بين لحظه والتانيه
يقولك خلص وقتك
إنزل وغيرك هيركب
مكانك خلاص محجوز
دا نظام ومترتب
والمخالفه فيه ماتجوز
تركب يستقبلوك
وحاجزينلك الكرسى
وتنزل يودعوك
وتسيب أثر نفسى
ومهما كنت ينسوك
وتحل محلك شهاده
مره واتنين يزوروك
ويكسلوا كالعاده
ويتخانقوا مع بعضيهم
لو سايب وراك تركه
ويحكموا القاضى فيهم
بعد متقوم العركه
قطر ولازم نركبه
وننزل كلنا منه
وكاس ولازم نشربه
حلو أو مر لا غنى عنه
منير خاطر