نفس الطريق
===================
ورجعت تانى من نفس الطريق
بس إيدى مش ماسكة إيديك
والشجر مايل على خطوتى
أتاريه بيسألنى عليك
فين اللى كان عطره يهزنا
والفرحة طايرة من حواليك
والأرض تسأل عن مشيتك
والرمل يحسب لك خطاويك
والطير بيسأل عن ضحكتك
والعشق اللى كان باين فى عينيك
وفى لحظه بان الحزن فى عنيا
وآه يا دمع ومين يداريك
حبيبى هترجع تانى ولا نسيت
العشرة والحب ولياليك
أنا هستنى ترجع تانى
وفى نفس الطريق همسك فى إيديك
=====================
أيمن طه
اكتب تعليقًا...