مسرح كبير مليان جمهور
شباك تذاكره عليه طابور
و كله واقف كده في الدور
وشوش كتيره تحسها
ـ الطيبه ماليه قلبها
الطيبه هى أصلها
ووشوش كتير -يالؤمها !!!!!!
بتضيع معاك فى سكتك
ولمايوم راح تصدمك
يومها هتعرف غلطتك
وتعرف أنك هنا مجبور
وخاطرك دا أصبح مكسور
عايز تعرف الحقيقه ؟
قلب يصرخ وعيون جريئة
عيون تقول غيرالحقيقه!
! الفين قناع - بألف لون –
!! وكله متخبى جوه الهدوم
// والكلام غيرالكلام ـ
ـ والدنيافقدت الاحترام
!!! فيه ناس كتير متلونه
ومهمايجرى من خداع ـ
ـ الدنيا فيكو معلمه
!! والدنياماشيه دوارة
ـ ف كل بيت وكل حاره
بتلاقى ناس آخر أماره ـ
ــ وناس عيشتهادى خساره
!! بس كله قدرمسطور
وكله بكره عليه الدور
ماالدنيا دى داير -مايدور
وكله بكره عليه الدور .

بقلمى عزة احمد ابوزيد