*****
قولى يا حلوه
******
قولى يا حلوه مهرك كام
سهران وياكى الليل ما بنام
بقالى سنين دايب بهواكى
بس قول لى مهرك كام
***********
قولى يا حلوه انا واد دفيع
انا ليكى شارى وعمرى ما ابيع
بس رقى وحنى عليه
ان شا الله فى حبك عمرى يضيع
*******
مين فى الدنيا يحبك ادى
انا صحيح بعيش على ادى
بس حبك ساكن جوايه
وكل يوم بيزيد لك ودى
*******
ما تشوف عينى ابدا غيرك
و القلب بات مسجون واسيرك
هاتشورى له يقولك شبيك
لو ترضيه كتر خيرك
******
بقالى سنين وسنين وانا صابر
على بعادك خلاص مش قادر
طول ما انتى بعيد عنى
فى وسط الاهل كانى مهاجر
******
ليل ونهار احلم بلقاكى
اكمل باقى العمر معاكى
لو عشت فى الدنيا سنين وسنين
تفيد ب ايه وانا مش وياكى
*******
على حافظ