التصنيف
****
تعبنا يا عم من التصنيف
طب ايه الحل وايه التصريف
بقينا عايشين فيكى ياغاليه
مش عارفين شتا من صيف
*********
فيكى عايشين زى الضيف
واصحابك فى قصر وتكيف
طب قولى اذاى نكون اصحابك
خلاص م الفكر جالنا خفيف
********
قالوا ثوره وعملنا اتنين
لجل ما نبقى متساويين
ولسه مايله وايه يعدلها
وعدل الكفه نجيبه منين
**********
كاس المر لساه شاربين
غلا وجشع البنى ادمين
بقى طوفان وجاى علينا
طب قولو لنا ها نروح فين
**************
عايش فيكى اللى خان واللى باع
واللى واخدها قوه وب الزراع
هما دول اللى فيكى واللى ليكى
واللى شارى بقى هو اللى خاين واللى باع
********
كرهت فيكى عنيكى اللى مش شايفانا
وعلينا عامله ليه طرشه ومش سامعانا
حراسين ابوابك وسافين ترابك
وانت على طول ليه بايعانا
*****
با احلم احس فيكى بدفا
واعيش فيكى من غير جفا
اتنعم مره واعيش فى خيرك
القى فى سماكى حبة صفا
*************
احلم وياريت حلمى ما يكونشى سراب
ويجى يوم نكون فيكى وليكى احباب
وما نكونشى ياغاليه عليكى ضيوف
وتردينا وتصدينا من على الباب
ونبقى بالنسه لك يدوب اغراب
*****
على حافظ
