.
تــــرنــيــمــات إبـــــــداعــيـة ؛
,,,,,,,,,,,,,,,,,,,,,,,,,,,,,,,,,,,,,
.
بقلم الكاتب / عبدالمجيد الديّهي
,,,,,,,,,,,,,,,,,,,,,,,,,,,,,,,,,,,,,
.
.
بنت ولادها ؛
,,,,,,,,,,,,,,,,,
.
.
حلوة ودلوعة
وزي البطة
وجمالها ساحر
زي القطة
لابتخربش
ولا بتعض
ولابتنونو
ولا بتنط
سيامي يانيِّ
وعيونها جارحة
ورموشها راسمة
الضحكة فِ لمحة
وقوامها نباتي
زي الفلة
تروي القلب
كتير من جوّه
وصوتها هادي
زي النسمة
وصدق إحساسها
غناوي فرحة
جوزها راضي
دايما عنها
وراضيه عليها
حماتها وشاطرة
وشايلة حماها
فِي نن عنيها
وعارفة الواجب
وعاملة حسابها
طلبات جوزها
قبل ولادها
لا بتهدي
ولا بتعدي
فكرة جميلة
حلوة أصيلة
جاية فِ بالها
تنصح فيها
أبناء جيلها
ودايما ناشرة الضحكة
علي فستان غيرها
أصيلة وفرسة جميلة
وبنت أميرة
بنت ولادها
تضحك تبكي
تزعل تجري
زي الطفلة
مع أبنائها
حنانها فايض
ولاهوش زايد
عن مقدارها
بصراحة بنت
أخلاقها عالية
.
,,,,,,,,,,,,,,,,,,,,,,,,,,,,,,,,,,,,,,,,,,,,
.
بقلم الكاتب / عبدالمجيد الديّهي
من ديوان ( ترنيمات إبداعية )
.
,,,,,,,,,,,,,,,,,,,,,,,,,,,,,,,,,,,,,,,,,,,,,
.
.

تعليق