فين و فين
في رحلة الصباح
وشروق شمس الأسى
ببدأ بالنواح
والبكا في المسا
ع الزمن إللي راح
والحب إللي إتنسى
فين راح الإحساس
وبشاشة وش الناس
فين النفس الحلوة
وفين البوس ع الراس
فين القلب الطيب
فين من كان لي قريّب
فين العبد الصالح
إللي في يوم ماتغيّب
راح فين حق الجار
ورفاقة المشوار
وليالي ما كانت تحلى
إلا بسمر السمار
فين الوافي بوعده
فين الحافظ عهده
وإللي وقع في مصيبة
ولقى 100 إيد بتساعده
فين الضحكة الصافية
فين الكلمة الشافية
فين ياخوانا قولولي
فين تقعدوا بالعافية
بقلم طارق السيد