إلى صديقى الحبيب
............................
إوعاك تزعل ع اللى ضاع
ولا تشترى يوم اللى باع
متلومش حد نسى العشره
فى ناس دهب وناس قشره
لو عاتبته هتعمله قيمه
وتبقى اعترفت بالهزيمه
واوعى تفكر يوم تطلبه
هات الأجنده واشطبه
واياك تسامح اللى خان
اللى يخونك ملوش أمان
حتى لو يحلف ويتعهد
هيعيد الكره ويجدد
وترجع تتألم من تانى
والعمر معدود بالثوانى
خساره وياه تضيعه
إللى بيخون مين يمنعه
سيبه وارجع من الأول
قبل السكه ماتطول
واختار صح فى المرادى
مش أى حد تآمنله عادى
متحكمش يوم فيك الهوى
وجع القلوب ملهوش دوا
إسمع منى وعيش فى الامان
وانسى اللى راح واللى كان
منير خاطر