اسم القصيده
حبة عنب
.............
ممكن تكون اللحظة عمر
والعمر محسوب بالتمام
يا ذكرى عايشه في كل قلب
قلبي انا هجره الغرام
منديل باويه وخلخلين
قله علي شباك بعيد
مجروحه ليه النغزتين
مكتوب انا افضل وحيد
طب ليه تاخدني الذكريات
علي حلم ليل مليان اهات
افتح كده صندوق خشب
صندوقي اعجب من العجب
كل اللي فيه حبة عنب
فاكرة لما عنقود رماها
تاهت السكه بخطاها
لملمتها من غير كسوف
خبتها خوف
حبيت اشوف
صورة لقصه حبنا
لما تعود بيا السنين
حبه عنب تبقي الحنين
ورثي لكل العاشقين
مجنون صحيح انا منها
يا رتني كنت ف فرعها
ولا كنت افارق سنها
ولا كنت اغيب عن ضيها
كانت هنا في حضنها
وانا كنت دقه قلبها
لحظه ب1000 عام وعام
حبة عنب هيه الغرام
حبة عنب كانت سلام .
اسامه صبحي محمد
20/7/2016