جدر أصيل
جدرأصيل مغروز فى الوحلة
بيئته عجيبة وميته ضحلة
عيشته فى عشة جريد وأشه
جريدته ضعيفة وأشته هشة
يفطر عيش يتعشى بمشه
ربنا صاينه منور وشه
يصلي صلاته يأدي زكاته
حامد ربه فى كل ليلاته
ربنا عاهده بجنته واعده
وربك دايما يوفي بوعده
وجنب العشة جنينة بسور
فيها جواري ساكنة قصور
واللي آسرهم وحش جسور
شاري حياته وناسي مماته
مولع ناره فى عينه شراره
إيده فى جيوبه بيأمر جاره
إوعى تقرب هنا ماشوفكشي
أنا ملكي وعندي اللي ماعندكشي
رد الجدر بشرحة صدر
أنا ليا الجنة وانت مالكشي
قادر ربك يفني قصورك
يمحي جنينتك هى وسورك
وبقدرة رب خراب فيها دب
سجدت وقولت اللطف يارب
بقلم طارق السيد