حوارمع شاعر
@@@@@@@@
جالي صديقي وقل لي نصيحه
قالي إسمعني بكل شجاعه
قل لي الشعر عملك إيه
شوف من عمرك ضاع كم ساعه
ياما كتبت كتير يا صديقي
فاكر يعني الشعر بضاعه
جرب مره وبيع أشعارك
إعلن عنها ف أي إذاعه
إعلن عنها العشر بقرش
شوف كم واحد عنده قناعه
ياما نشرت كتير و كتبت
إكتب و إقلب ف البلاعه
والبلاعه ف الآخر بير
تبلع أي كلام يا جماعه
عمال تكتب ليل ونهار
شوف ياحبيبي راح كم ساعه
شوف كم مره تركت ولادك
تلعب بيهم أي إشاعه
شوف كم مره خاصمت مراتك
ترمي عليك وانت الشماعه
كل شويه تقولك قوم
وتسربلك ...... أي .... إشاعه
كل كلامها تلاقي هموم
والاسعار ... هي ... الفزاعه
الاولاد ... وهموم ... الدار
إرمي وحمل ع الشماعه
قالوا علينا بقينا كبار
كله هيزار وأمور خداعه
عايز كمل ف المشوار
و لا كفايه علينا إشاعه
نسمع منهم بس كلام
عمال يخرم ف السماعه
وانت يا عيني مسلم عقلك
خايف من النفس الطماعه
فكر تاني يا صحبي ف نفسك
تعمل إيه لو بكره مجاعه
شوف كم مره في عز الليل
تجري تدور ع الولاعه
نفسك تكتب كلمه مفيده
تعمل نهضه وتعمل طاعه
نفسك كل الناس ترتاح
لما تلاقي علاج ومناعه
شايل كل هموم الدنيا
واقف وايا الناس بشجاعه
ممكن تكتب كلمه تضرك
تلقي عذاب وهوان وبشاعه
كل رسالتك تعمل حآجه
صوتك يوصل أي إذاعه
هو دا حال الشاعر دايما
قلمه ثبات وكفاح وشجاعه
واهب نفسه لكل الناس
راجي ف يوم الحشر شفاعه
@@@@@@@@@
بقلم // طه إبراهيم
