محلاها الليلة
محلى الليلة يامحلاها
عريسنا آهو جالنا وحلاها
وعروسته من كتر جمالها
عريسها إختارها ونقاها
..................................
ياعريسنا منور فى الكوشة
وعروستك خفة وفرفوشة
والطرحة طايره من الفرحة
والحنة فى كفها منقوشه
...................................
ياعريسنا يابو شنه ورنة
وعروستك عصفورة من الجنه
كلنا من قلبنا داعيين لك
تفرح بيها وتتهنى
...................................
ياعريسنا يافارس فى زمانك
وخطفت عروستك بحصانك
صبحها بالكلمة الحلوه
ومسيها بعطفك وحنانك
....................................
ياعروسة البركة فى إيديكِ
عريسك تشيليه فى عنيكِ
وتخلي كلامك له غنوة
هيقولك شبيكِ لبيكِ
.....................................
يامحلى جمالك ياليلتنا
ياضمه عريسنا وعروستنا
أمانة عليكِ يطول ليلك
تكمل فرحتنا بسهرتنا
بقلم طارق السيد