علمتنى الدنيا بعدك
منكسرش
مهما زاد الشوق فى قلبك
وانى ارجع تانى أبدا -- متحاولش
مهما ترجع ذكرياتى
مهما أشوف تانى فى حياتى
وافتكر او مفتكرش
علمتنى الدنيا بعدك
انى أكون إنسان جديد
مهما اقاسى من عذابها
لازم أرضى وأكون سعيد
تفتكر بعدك هاسيبها
وأرضى بالاحزان شريد
كل حاجه منك حبيبها
مهما ضاع حلمى الوحيد
علمتنى الدنيا بعدك
انى أكون راضى بمصيرى
وإن كل الكون يهون
بس لو مرتاح ضميري
علمتنى الدنيا بعدك
إن قدرى مش ل غيرى
علمتنى الدنيا بعدك
ان قلبى يكون مسامح
أن قلبى ليك هيفضل
زى شجره حب طارح
مهما تقسى انا ليك هاصالح
مش راح انسى ذكرياتنا
واللى عشناه من حياتنا
حب عاش بينا لسنين
مهما راح الود عندك
قلبى مليان بالحنين
مهما ترضى انت بهجرك
مهما كنا متفرقين
علمتنى الدنيا بعدك
انى افرح مهما تجرح
انى أضحك مهما كنت بعدك حزين ... !
.
.
بقلمى ---- عادل على
