(ربع ورقة)
في ربع ورقة مقطعة
كتبت كلمة متتنسيش
من قلب حب الحياة
امله في الدنيا يعيش
القلب دا كان قلبي انا
عشت الحياة فرح وهنا
دوست السنين ولا همني
والحزن فجأه ضمني
غمضت عيني كأني حلم
معرفتش اهرب شدني
مسكت قلمي كتبت املي
في الربع ورقه رسمت عملي
لقتني ابيض مفيش عبادة
مفيش صلاه ابعد زيادة
ولا اقرب لطريق الله
وفي لحظة وقفت بي الحياه
لقتني كاتب في الربع ورقة يالله
بنده عليه محتاح اليه
لقتني كاتب لفظ الجلالة
دي كلمة ممكن تتنسي
لاومليون لا استحاله
علشان كدا انا شلتها
من الربع ورقه لقلبي تاني
وفرحت بيها في قلبي وزماني
ولطريق الهدي خدتني الاماني
ياالله ياالله ياالله ياالله
من ربع ورقة رجعت تاني
بقلم--محمود فرج

تعليق